حرا مانی کا شمار عوام کی پسندیدہ ترین اداکاراؤں میں ہوتا ہے مگر حالیہ دنوں میں اپنے ایک بیان کے سبب ان کو عوام کی جانب سے شدید ترین تنقید کا بھی سامنا کرنا پڑا جب کہ انہوں نے سوشل میڈیا کے ذریعے اپنے دیۓ گۓ ایک پیغام میں کہا کہ ان کی خواہش ہے کہ دعا زہرا اور ظہیر ہمیشہ ایک ساتھ رہیں اور ان کے درمیان کبھی جدائی نہ ہو
حرا مانی کی روتے ہوۓ معافی
اس موقع پر جب حرا مانی نے عوام کی اتنی شدید تنقید سنی تو انہوں نے اس حوالے سے فورا ایک اور ویڈيو بنا ڈالی جس میں انہوں نے عوام کو بتایا کہ چھٹیوں پر ملک سے باہر ہونےکے سبب ان کو دعا زہرا اور ظہیر کے بارے میں حقیقت کا پتہ نہ تھا اور وہ نہیں جانتی تھیں کہ یہ اغوا کا کیس ہے اس وجہ سے وہ اپنا بیان واپس لیتی ہیں
لیکن ان کی یہ معافی اس وقت ایک اور شکل اختیار کر گئی جب کہ خدیجہ عباس نامی ایک کانٹینٹ رائٹر نے ان کی اس معافی میں بیان کيۓ گۓ حقائق کو اپنے مزاحیہ انداز میں اٹھایا جس کے بعد سوشل میڈيا بریگیڈ کو ان پر تنقید کرنے کا ایک اور موقع ہاتھ آگیا
خدیجہ عباس کا حرا مانی کی معافی پر اپنے انداز میں تبصرہ
خدیجہ عباس نے حرا مانی کی ویڈيو پر جو تبصرے کیۓ وہ کچھ اس طرح سے تھے
1:مجھے تین ماہ سے ٹرینڈنگ پر رہنے والی خبر کے بارے میں پتہ نہ تھا مگر کراچی میں کب کب بارش ہوئی یہ ضرور پتہ تھا
2: میں اسٹار ہوں اس لیۓ اپنے چاہنے والوں کو ناراض نہیں کر سکتی (اس میں اسٹار پر زور دیا گیا ہے )
3: میں بہت نیچرل ہوں بہت چیریٹی (امداد) کرتی ہوں مگر اس ویڈيو سے میں اپنی شو آف نہیں کر رہی ہوں
4: میں اس وقت بہت دکھی ہوں ( اس وجہ سے ویڈیو بنوانے سے پہلے پورا میک اپ کر لیا تھا )
5: جب تک عوام کی تنقید نہیں ہوئي تھی تب تک اپنی بات کے حق میں میں نے ایک اسٹوری بھی ڈالی تھی مگر پھر خیال آيا کہ ابھی ابھی تو میرا پرفیوم لانچ ہوا ہے اس کی ٹارگٹ سیل کا کیا ہو گا
6: مجھے مانی نے سمجھایا تو مجھے سمجھ آئی کیوں کہ عورتوں میں تو عقل کم ہی ہوتی ہے
7: دوسرے ملکوں میں رہنے والے لوگوں کو ملک کے حالات معلوم نہیں ہوتے کیوں کہ یہ اٹھارویں صدی ہے اور دنیا کو انٹر نیٹ کی سہولت تو میسر ہی نہیں ہے
اور سب سے آخر میں
8: مرد بڑی پیاری چیز ہے
سوشل میڈيا صارفین کے تبصرے
خدیجہ عباس کی ہلکی پھلکی تنقید سوشل میڈيا کی تھریڈ کا سلسلہ اختیار کر گئی اور لوگوں نے اس پر مختلف مزاحیہ تبصرے کر ڈالے جو کچھ اس طرح سے ہیں
9: میری اپنی اولاد مجھے سے تنگ ہے
10 : پہلی دفعہ فیملی نے کہا ویڈيو مت بناؤ پھر کہا بنا لو ذلیل تو ویسے ہی ہونا ہے
11: عامر لیاقت کی موت اور ڈپریشن سے اندازہ لگا لیں کہ میں کتنی پریشان ہوں
جب کہ کچھ افراد نے ان کے اس سارے معاملے کو انسٹا گرام پر ٹرینڈ کرنے کی ایک کامیاب کوشش قرار دیا
جب کہ کچھ افراد کا یہ بھی کہنا تھا کہ ٹی آر پی لینے کے لیۓ معافی والی ویڈیو کا بھی اختتام رونے پر کیا تاکہ ڈراموں کی طرح زیادہ سے زيادہ ریٹنگ لے سکیں
تاہم کچھ بھی کہیں حرا مانی اس وقت ٹرینڈ کر رہی ہیں تبھی تو شو بز کے معاملے میں کہا جاتا ہے کہ بدنام جو ہوں گے تو کیا نام نہ ہو گا