حمیرا فرح پی سی بی کی پہلی خاتون ایمپائر بن گئیں

لاہور سے تعلق رکھنے والی حمیرا فرح اب تک تقریباً 150 سے زائد میچز میں امپائرنگ کے فرائض انجام دے چکی ہیں۔

اس کے علاوہ حمیرا فرح پاکستانی قومی ہاکی ٹیم کی سابقہ کھلاڑی بھی رہ چکی ہیں۔ حمیرا فرح کہتی ہیں کہ وہ اسپورٹس سائنسز میں پی ایچ ڈی کر رہی ہیں اور گزشتہ 28 برسوں سے اسپورٹس ایڈ منسٹریٹر کی ذمہ داریاں بھی سنبھال رہی ہیں۔لاہور گیریڑن یونیورسٹی میں ڈائریکٹر اسپورٹس کے عہدے پر فائز حمیرا فرح کا کہنا ہے کہ 2005ئ میں جب انہیں معلوم ہوا کہ پاکستان کرکٹ بورڈ ویمن ونگ قائم کرنے کا ارادہ رکھتا ہے تو اسی دن انہوں نے امپائر بننے کا فیصلہ کر لیا تھا۔حمیرا فرح نے مزید کہا کہ میں نے 2005

ءمیں ہی پینل 1 اور پینل 2 کے کورسز مکمل کر کے باقاعدہ امپائرنگ کا آغاز کر دیا تھا۔ انہوں نے کہا کہ پاکستان کی پہلی خاتون امپائر بننا میرے لیے بہت فخر کی بات ہے، مجھ سے پہلے آج تک یہ اعزاز کسی کو حاصل نہیں تھا، مگر 2019 میں اب مزیدخواتین بھی پی سی بی امپائرنگ پینل کا حصہ بن چکی ہیں۔حمیرا فرح پاکستان کے معروف امپائر علیم ڈار اور احسن رضا سے متاثر ہیں، ان کا ماننا ہے کہ وہ بھی ان کے نقش قدم پر چلنا چاہتی ہیں۔

فرح نے مزید کہا کہ وہ اپنے خاندان کی پہلی خاتون ہیں جنہوں نے کھیلوں میں حصہ لیا اور پاکستان کی پہلی خاتون امپائر ہونے کا اعزاز بھی حاصل کیا۔اس کے ساتھ ساتھ وہ پاکستان کرکٹ بورڈ کی بھی شکر گزار ہیں جس نے انہیں امپائرنگ کے میدان میں اپنی صلاحیتوں کو عمدہ انداز استعمال کرنے کا موقع فراہم کیا۔

News Souce :GNN