ماہرہ خان کی شادی کل سے ٹاک آف دی ٹاؤن بنی ہوئی ہے، پاکستان، ہندوستان سمیت ہر جگہ بس ان کی شادی کے ہی چرچے ہیں۔
گزشتہ روز ماہرہ خان نے اپنے دوست اور کاروباری شخصیت سلیم کریم کے ہمراہ ایک نجی تقریب میں شادی کی جو کہ مری کے ایک ہوٹل میں ہوئی۔ جس کے لیئے 200 کمروں کو 6 دن کے لئے بُک کرایا گیا تھا۔
ان کی زندگی کے اس یادگار دن کو خوبصورت بنانے میں ان کے ڈریس نے بھی خوب کردار ادا کیا ہے۔
ان کے لہنگے کی قیمت کے حوالے سے ماہرہ کے ڈیزائنر فراز منان کی ترجمان نے تصدیق کی کہ ماہرہ خان نے ان کے تیار کردہ جوڑے کا انتخاب کیا جس کی قیمت واضح طور پر ظاہر نہ کرتے ہوئے انہوں نے بس اتنا بتانے پر اکتفا کیا ہے کہ ہمارے کسٹمائزڈ برائیڈل ڈریسز کی قیمت 35 لاکھ روپے سے شروع ہوتی ہے۔
جس سے ظاہر ہوتا ہے کہ ماہرہ خان کے شادی کے لہنگے کی قیمت بھی 35 لاکھ روپے یا اس سے زیادہ کی ہو گی۔
اسکے علاوہ اداکارہ نے میک اپ آرٹسٹ بابر ظہیر کا انتخاب کیا جبکہ سوشل میڈیا ذرائع کے مطابق سلیم کریم نے یوسف بشیر قریشی (وائی کیو بی) اسٹوڈیو کے لباس کو منتخب کیا۔