ندا یاسر ایک مشہور میزبان اور اداکارہ ہیں جو اپنے مداحوں کے سامنے اپنی زندگی اور پسند ناپسند کے بارے میں بہت کھل کر بتاتی ہیں۔ پی ٹی وی میں بطور اداکارہ اپنے کیرئیر کا آغاز کرتے ہوئے پاکستان میں سب سے کامیاب مارننگ شو ہوسٹ کے طور پر کام کرنے والی ندا یاسر نے اپنے کیرئیر میں ایک طویل سفر طے کیا ہے اور وہ یقینی طور پر پیچھے مڑ کر نہیں دیکھ رہی ہیں۔
ندا نے نہ صرف اپنے کیرئیر میں ترقی کی ہے بلکہ ان کی شکل بھی برسوں کے دوران کافی تبدیلی آگئی ہے۔ انھوں نے خود کو بدل لیا ہے ان کے بال، میک اپ اور لباس پچھلے کئی سالوں سے بہتر ہوگئے ہیں جس کی وجہ سے وہ پہلے سے بہتر اور الگ نظر آتی ہیں۔ کچھ لوگوں کا خیال ہے کہ ندا یاسر نے اپنی شکل بدلنے کے لیے سرجری کروائی ہے۔
گڈ مارننگ پاکستان کی تازہ ترین قسط میں، ندا نے اس بارے میں بات کرتے ہوئے بتایا کہ انھوں نے اپنے آپ کو کس طرح بدلا ہے اور اب وہ جانتی ہیں کہ اپنا میک اپ کس طرح کرنا ہے، اپنی بھنوؤں کو کس طرح شیپ دینا ہے اور اپنے بالوں کو اسٹائل کیسے کرنا ہے۔ یہی وجہ ہے کہ وہ اب بہت مختلف نظر آتی ہیں۔ ندا نے مزید کہا کہ، لوگ ہمیشہ کہتے ہیں کہ میں نے سرجری کروائی ہے لیکن میں نے جو کچھ کیا ہے وہ میک اپ اور اسٹائلنگ میں بہتری ہے اور کچھ نہیں۔