سوشل میڈیا کی آمد کے بعد پاکستانی مشہور شخصیات کھل کر سامنے آئی ہیں اور زیادہ قابل رسائی ہو گئی ہیں۔ بہت سی چیزیں جو وہ کرتے ہیں یا مناتے ہیں اور اس کی تائید کرتے ہیں وہ سوشل میڈیا پر پوسٹ کردیتے ہیں اسکے بعد وہ ہر جگہ پھیل جاتی ہے۔ اسی لیئے انٹرنیٹ کو گلوبل ویلیج کہا جاتا ہے کیونکہ یہاں کچھ نہیں چھپتا۔
حال ہی میں مغرب ممالک میں ہیلووین منایا گیا تھا جو وہاں بہت عام ہے، لیکن یہ خاص تب ہوا جب یہ مسلم ممالک جیسے کہ سعودی عرب اور پاکستان میں منایا گیا۔ اس بار پاکستانی مشہور شخصیات نے یہ مشرکانہ تہوار ہیلووین پورے جوش و خروش سے منایا، ان میں سے بہت لوگ فلموں اور سیریز کے ملبوسات میں نظر آئے جب کہ کچھ لوگ پوری کمیونٹی کو یہ سوچ کر ناراض کرنے میں کامیاب ہو گئے کہ یہ بہت مزیدار فیسٹیول ہے۔
ہیلووین کے موقع پر تمام مشہور شخصیات کی تصاویر سوشل میڈیا پر وائرل ہوگئیں۔ بہت سی مشہور شخصیات نے نیہا تاثیر کی ہارلے کوئن اور انوشے اشرف کی وینڈے ایڈمز کی طرح بالکل درست انداز بھی دکھایا۔
نور بخاری نے پاکستانی اداکاروں کی جانب سے اس تہوار کو منانے کے حوالے سے اپنی رائے کا اظہار کیا، وہ سمجھتی ہیں کہ اسے نہیں منایا جانا چاہیے اور لوگ اسے بہت زیادہ مین اسٹریم بنا رہے ہیں اس طرح یہ پاکستانی ثقافت کا حصہ بن جائے گا۔
نور بخاری کے نکتہ نظر سے سوشل میڈیا صارفین نے بڑی حد تک اتفاق کیا۔ بیرون ملک رہنے والے ان میں سے بہت سے لوگوں نے بتایا کہ وہ بھی ان ممالک میں رہنے کے باوجود اسے کبھی نہیں مناتے جہاں یہ عام ہے۔ جبکہ دوسروں کا کہنا تھا کہ زیادہ تر ملک کی اشرافیہ اسے منا رہی ہے اس لیے یہ کبھی ثقافت کا حصہ نہیں بن سکے گا۔