بالی ووڈ اداکارہ پرینیتی چوپڑا جن کی حال ہی میں سیاستدان راگھو چڈا کے ساتھ شادی ہوئی ہے وہ ایک بار بھی خبروں کی زینت بن گئیں، لیکن اس بار وجہ کچھ مختلف ہے۔
تفصیلات کے مطابق، پرینیتی چوپڑا نے اپنے انسٹاگرام پر حضرت علیؓ کا ایک خوبصورت قول شیئر کیا۔
انہوں نے اپنی انسٹا اسٹوری پر ایک پوسٹ شیئر کی ہے جس میں چوتھے خلیفہ راشد حضرت علیؓ کا ایک قول تحریر ہے۔
"اگر آپ جاننا چاہتے ہیں کہ آپ کا دل کہاں ہے تو پھر یہ دیکھیں کہ جب آپ کا دماغ بھٹکتا ہے تو وہ کہاں جاتا ہے"
حضرت علیؓ کا یہ قول انسان کو یہ سمجھاتا ہے کہ، اگر اسے کبھی یہ سمجھنے میں مشکل ہو رہی ہو کہ اس کی دلی خواہش کیا ہے اور وہ کیا چاہتا ہے تو اس بات پر دھیان دے کہ جب وہ بے خیالی میں ہوتا ہے تو اس کے ذہن میں کیسے خیالات آتے ہیں۔
پرینیتی کی اس انسٹا اسٹوری کو صارفین بہت پسند کر رہے ہیں اور اداکارہ کے خیالات کو سراہا رہے ہیں۔