عام طور پر حمل کے آخر وقت ہونے والے درد میں عورت کو فوراً ہسپتال لے جایا جاتا ہے تا کہ بروقت اسکی ڈیلیوری ہوسکے۔ ایسا ہی کچھ کراچی سے تعلق رکھنے والی ایک خاتون کے ساتھ ہوا، جب اسے زچگی کیلیئے پسپتال لے جایا گیا لیکن اسکے بعد جو ہوا اس نے سب کو حیران کردیا۔
ہوا کچھ یوں، 24 سالہ خاتون کو صبح 11 بجے زچگی کیلئے اسپتال لایا گیا تھا، اور دوپہر 1 بجے خاتون کھانا کھانے کے لیے اسپتال سے باہر گئی، اور کھانے کے بعد وہ دوبارہ اسپتال کے اندر واپس چلی گئی تھی۔
اہل خانہ کا کہنا ہے کہ، اسپتال کے کیمروں میں خاتون کے اسپتال کے اندر جانے کی ویڈیو ہے لیکن واپسی باہر جانے کی کوئی ویڈیو نہیں۔
پولیس کا اس معاملے میں کہنا ہے کہ، جناح اسپتال میں خاتون کے نام سے کوئی انٹری نہیں۔ جبکہ اہل خانہ کے مطابق، ڈاکٹر نے خاتون کو تین چار گھنٹے بعد آنے کا کہا تھا ، تاہم چار گھنٹے بعد خاتون کی نند اسے لیبر روم میں لے کر آئی جس کے بعد خاتون نے اپنی نند کو، شوہر سے موبائل فون لانے کا کہا، نند جیسے ہی موبائل فون لیکر لیبر روم میں آئی تو خاتون وہاں موجود نہیں تھی۔
خاتون کے شوہر وسیم نے میڈیا سے گفتگو کرتے ہوئے کہا کہ، ہمیں 4 گھنٹے پہلے کی سی سی ٹی وی ویڈیو دکھائی گئی، سی سی ٹی وی ویڈیو میں بیوی باہر جاتے نظر نہیں آئی اور صبح اسپتال میں جو ڈاکٹر ملی تھی اب انتظامیہ کہتی ہے کہ وہ ڈاکٹر چھٹیوں پر ہے۔
پولیس نے خاتون کےاہل خانہ کی گمشدگی کی شکایت پر تفتیش شروع کردی ہے۔