بھارت کی مشہور اداکارہ راکھی ساونت جنہوں نے عادل درانی سے شادی کے لیے اسلام قبول کیا اور اپنا نام فاطمہ رکھا، یہ اب عمرے کی ادائیگی کے لیے کعبہ جا رہی ہیں۔ راکھی نے جہاز میں بیٹھ کر اپنی ایک ویڈیو میں مداحوں کو بتایا کہ میں پہلی بار عمرے کے لیے جا رہی ہوں۔ بہت خوش ہوں کہ مجھے اللہ کا بلاوا آیا ہے۔ میرے پاس ماں تو اب نہیں رہی لیکن خدا کا سہارا ہے۔ میں آپ سب کے لیے دعا کروں گی، آپ سب بھی مجھے اپنی دعاؤں میں یاد رکھیے گا۔
راکھی ساونت آج کل اپنے شوہر عادل درانی کے متعلق ہر روز نئے انکشافات کر رہی ہیں۔ دونوں نے تلخ کلامی کے بعد اپنے راستے جدا کر لیے ہیں۔ اب راکھی دبئی میں ایک ڈانس پراجیکٹ کر رہی ہیں۔ حالیہ دنوں میں راکھی نے اپنے کپڑوں سے متعلق بات کرتے ہوئے کہا تھا کہ اب میں ریکھا جی سے متاثر ہو کر کپڑے پہنوں گیں۔