ردا اصفہانی ایک خوبصورت پاکستانی اداکارہ ہیں جنہوں نے اپنے ڈرامہ سیریل دہلیز سے شہرت حاصل کی۔ وہ ایک کامیاب اداکارہ تھیں لیکن جلد ہی اپنے تنازعات کے بعد ٹیلی ویژن اسکرین سے غائب ہوگئیں۔ اداکارہ آج کل نجی ٹی وی چینل کے ایک شو میں میزبانی کر رہی ہیں۔
حال ہی میں، نادر علی کے ساتھ پوڈ کاسٹ میں، ردا نے کالے جادو کے بارے میں بات کی، جو ان کی ماں پر ان کی کزن نے کیا تھا۔ انھوں نے کالے جادو کا شکار ہونے کے بارے میں پہلی بار کھل کر بات کی۔
ردا نے کہا کہ، "میں نے اپنے لیے سب کو معاف کر دیا ہے لیکن، کوئی ہے جس نے میری والدہ پر 10 سال سے کالا جادو کیا ہے، میں اسے معاف نہیں کر سکتی، میں اُسے جان سے مارنا چاہتی ہوں۔ میری ماں بہت مہربان خاتون ہیں وہ ایسی عورت ہیں جو اپنے دشمنوں کے لیے بھی دعا کرتی ہیں، وہ کون ہے میں اسے جانتی ہوں اور میں اسے اس کے بالوں سے پکڑ کر مارنا چاہتی ہوں۔ اس عمل سے میری والدہ کو جذباتی اور جسمانی طور پر تکلیف ہوئی ہے، میں جانتی ہوں کہ وہ مجھے دیکھ رہی ہیں۔ میں نے اس کے جادو منتر کے بارے میں تحقیق کی ہے، مجھے اس نے کونڈے کے نام سے ایک مٹھائی دی اور اس کے بعد میں شدید بیمار ہو گئی۔ وہ میری کزن ہے، ہم اکٹھے رہتے تھے، لیکن انھوں نے ہم پر کالا جادو کر دیا اور ہماری جائیداد چھین لی۔ اس کے اب تین بچے ہیں، اور اگر آج وہ مجھے دیکھ رہی ہے تو ایسا کرنا بند کر دے۔ آپ جانتے ہیں وہ ایک پردہ پوش خاتون ہے، میں بس یہ کہنا چاہتی ہوں کہ ہم پر کالا جادو کرنا بند کردو"۔
ویڈیو دیکھیں