پاکستان کے نامور گلوکار سجاد علی نے سردیوں میں ہونے والی لوڈ شیڈنگ سے تنگ آکر ایک مشہور شعر کو گانے کی صورت میں پیش کر دیا جس کی ویڈیو وائرل ہو گئی۔
مذکورہ ویڈیو کے آغاز میں اُنہوں نے کہا کہ سردیوں کے بہترین موسم میں ہونے والی لوڈشیڈنگ کے لیے میں یہ دو اشعار پڑھنا چاہوں گا‘ اور پھر موم بتی کی روشنی میں بیٹھے موسیقی بجاتےہوئے مشہور شاعر شکیب جلالی کی ایک غزل کے یہ اشعار پڑھے۔
روشن ہیں دل کے داغ نہ آنکھوں کے شب چراغ
کیوں شام ہی سے بجھ گئے محفل کے سب چراغ
انہوں نے یہ اشعار انسٹاگرام پر اپ لوڈ کرتے ہوئے ویڈیو کے کیپشن میں لکھا کہ ’یہ چند اشعار لوڈ شیڈنگ کے نام‘۔ مداحوں کی جانب سے ان کی اس ویڈیو پر لوگ مختلف تبصرے بھی کرتے دکھائی دیے۔