پاکستانی شوبز انڈسٹری کی معروف اداکار جوڑی ثروت گیلانی اور فہد مرزا کے ہاں ننھی پری کی آمد ہوئی ہے۔ دو بیٹوں کے بعد ان کے ہاں پہلی بیٹی پیدا ہوئی ہے۔
اداکارہ ثروت گیلانی نے اپنے ہاں تیسرے بچے کی پیدائش کا اعلان اپنے آفیشل انسٹاگرام اکاؤنٹ پر اسٹوری پوسٹ کے ذریعے کیا۔ اس سے پہلے انہوں نے اکتوبر میں لکس اسٹائل ایوارڈ 2023 کی تقریب کے موقع پر اپنے ہاں تیسرے بچے کی خوشخبری سنائی تھی۔
انہوں نے ایک تصویر انسٹاگرام پر پوسٹ کی تھی جس میں سرمد کھوسٹ، ثناء جعفری، علی جونیجو، علینہ خان، اور صائم صادق سبھی انکے بیبی بمپ کی طرف اشارہ کر رہے تھے۔
ثروت گیلانی کی بیٹی کی پیدائش کے بعد شوبز کے کئی اداکاروں کی جانب سے انہیں مبارک باد پیش کی جا رہی ہے۔ وہیں اداکارہ نے بیٹی کا نام خفیہ رکھا ہے۔