کرکٹ ٹیم کے سابق کپتان شاہد آفریدی کی بہن گزشتہ رات کراچی کے نجی اسپتال میں زیر علاج رہنے کے بعد انتقال کر گئی ہیں جس کی تصدیق شاہد آفریدی کے بھائی کے ایکس اکاؤنٹ سے کی گئی۔
"ہماری بہن انتقال کر گئی ہیں ان کی نمازِ جنازہ کراچی میں آج دوپہر بعد نمازِ ظہر ڈیفنس فیز 8 کی ذکریہ مسجد میں ادا کی جائے گی۔"
اس سے قبل شاہد آفریدی نے بھی اپنی بہن کی صحت یابی کے لیے گزشتہ روز مداحوں سے دعاؤں کی اپیل کی تھی۔
ان کا کہنا تھا کہ اس وقت میری بہن زندگی اور موت کی جنگ لڑ رہی ہیں. میری پیاری بہن تم مضبوط رہو، میں جلد تمہارے پاس آنے کیلئے واپسی کا سفر کررہا ہوں۔ میری تمام مداحوں سے گزارش ہے کہ میری بہن کے لیے دعا کریں کہ اللہ تعالیٰ اُس کو جلد شفا دے اور صحت والی لمبی زندگی عطا فرمائے"