بہن کی بیماری نے بھائی کو بھی رُلا دیا ۔۔ سشمیتا سین کو دل کا دورہ پڑا تو بھائی نے بہن کی مُحبت میں کیا کیا؟

بھارتی اداکارہ سشمیتا سین کو دل کا دورہ پڑگیا جس کے باعث وہ دہلی کے مقامی ہسپتال میں زیرِعلاج ہیں۔ اداکارہ کو ماضی میں ہارمونل پرابلم بھی رہ چکی ہے جس کی وجہ سے ان کے بال جھڑنے شروع ہوگئے تھے۔ کچھ روز قبل اچانک سشمیتا کو نازک حالت میں ہسپتال منتقل کیا گیا تھا جہاں ابتدائی ضروری طبی امداد کے بعد معلوم ہوا کہ اداکارہ کو دل کا دورہ پڑگیا ہے۔ ہسپتال انتظامیہ کی جانب سے جب یہ خبر میڈیا پر بتائی گئی تو مداحوں نے دعائیں کرنی شروع کردیں۔

اداکارہ نے اپنے انسٹاگرام اکاؤنٹ پر لکھا کہ: " چھ روز قبل دل کا دورہ پڑا تھا، اب ان کی انجیو پلاسٹی کر دی گئی ہے اور اسٹنٹ ڈال دیا گیا ہے اور سب سے اہم بات یہ ہے کہ میرے ڈاکٹر نے مجھے بتایا کہ آپ کا دل بہت بڑا ہے۔ وقت پر مدد کرنے والوں کا شکریہ ادا کرتی ہوں۔ یہ پوسٹ صرف اس لیے ہے کہ اپنے چاہنے والوں کو بتا سکوں کہ سب کچھ ٹھیک ہے اور میں زندگی گزارنے کے لیے تیار ہوں۔ "سشمیتا سین نے اپنے والد کے ساتھ تصویر شیئر کی اور ساتھ یہ بھی لکھا کہ میرے والد کہتے ہیں: " اپنے دل کو پرسکون رکھیں اور خوش رہیں، یہ بھی ضرورت پڑنے پر آپ کے ساتھ کھڑا رہے گا"۔

اداکارہ کے بھائی نے اپنی بہن کی جلد صحتیابی کے لیے دعائیں بھی کیں اور بہن کے بیمار ہونے پر خود بھی پریشان ہوگئے۔ ہسپتال کے باہر غریبوں کی امداد بھی کی اور ساتھ ہی بہن کو مضبوط عورت کا لقب بھی دے دیا۔