پاکستان کے لیجنڈری کامیڈین عمر شریف کی اہلیہ زرین عمر نے پہلی بیوی سے عمر شریف کی بیٹی حرا کی وفات سے متعلق چونکا دینے والا انکشاف کیا ہے۔
حال ہی میں عمرشریف کی اہلیہ زرین عمر نے نجی ٹی وی چینل کے بیورو چیف نعیم حنیف کے ہمراہ ایک پروگرام میں بطور مہمان شرکت کی جہاں انہوں نے عمرشریف کے علیل ہونے کی وجوہات کے بارے میں گفتگو کی۔
انٹرویو میں نعیم حنیف کا کہنا تھا کہ عمر شریف کی بیماری کی وجہ ان کی بیٹی حرا عمر کی المناک موت تھی۔نعیم حنیف نے عمر شریف کے بیٹے جواد عمر کو بہن کی موت کا ذمہ دار ٹھہرایا۔
انہوں نے انٹرویو میں اس حوالے سے متعدد انکشافات کرتے ہوئے کہا کہ ’ڈاکٹروں نے کڈنی ٹرانسپلانٹ کیلئے خونی رشتہ دار کے ہونے پر زور دیا تھا، لیکن جواد نے اپنی بہن کو گردے کا عطیہ نہیں دیا۔
انہوں نے مزید کہا کہ ’جواد عمر نے گردہ عطیہ کرنے کے بجائے غیر قانونی طریقے پر غور کیا۔ جواد نے یہ سب والد کی جانب سے حرا کے علاج کے لیے دی گئی رقم کا کچھ حصہ اپنے لیے بچانے کیلئے کیا۔
شو میں ویڈیو لنک کے ذریعے شرکت کرنے والی زرین عمر نے انکشاف کرتے ہوئے کہا کہ عمر شریف جواد سے کافی ناخوش تھے اور وہ جانتے تھے کہ جواد اپنی بہن کی ناگہانی اور المناک موت کا ذمہ دار تھا۔
بیورو چیف کے مطابق اگر حرا کو غیر قانونی کڈنی ٹرانسپلانٹ کے لئے نہ بھیجا جاتا تو وہ زندہ رہ سکتی تھی۔
خیال رہے عمر شریف اکتوبر 2021 میں طویل علالت کے باعث اس دنیا سے رخصت ہوگئے تھے۔