نومبر 2018: لڑکوں کے مقبول ترین اسلامی نام

بچے کی پیدائش خاندان بھر کے لیے باعثِ رحمت سمجھی جاتی ہے- ہر طرف خوشی کا سماں بندھ جاتا ہے- بچے کے والدین اپنی مسرت کا اظہار شایانِ شان طریقے سے کرتے ہیں- بچے کے لیے مناسب نام تجویز کرنا بلاشبہ کسی چیلنج سے کم نہیں ہوتا- ولادت کے بعد سارا خاندان مختلف نام تجویز کرتا رہتا ہے-

تاہم اگر بات کی جائے لڑکوں کے لیے خوبصورت اور منفرد نام کے انتخاب کی تو ہمارا یہ آج کا آرٹیکل آپ کی اس الجھن کو دور کرسکتا ہے- مندرجہ ذیل لڑکوں کے ان اسلامی ناموں کی فہرست تفصیل کے ساتھ موجود ہے جو نومبر 2018 کے دوران انتہائی مقبول رہے-
 

Also Read: POPULAR MUSLIM BOYS NAMES OF 2018
 

فراز - Faraz
فراز لڑکوں کا اسلامی نام ہے جس کا تعلق عربی زبان سے ہے- اس نام کی ادائیگی آسان ہے جبکہ پاکستان اور بھارت میں لڑکوں کے ناموں میں یہ نام بہت عام ہے- اردو زبان میں فراز کے معنی اونچائی٬ رفعت اور ارتقا کے ہیں- انگریزی زبان میں فراز کے معنی height, exalted, اور ascent ہیں- معروف شاعر احمد فراز کو بھی عام طور پر فراز کے نام سے جانا جاتا ہے-

نبیل - Nabeel
اس فہرست میں لڑکوں کا دوسرا مقبول ترین اسلامی نام نبیل ہے- اس نام کا تعلق بھی عربی زبان سے ہے- اردو زبان میں نبیل کے معنی ہوشیار٬ ذہین٬ ممتاز اور عظیم ہیں- نبیل کے انگریزی زبان میں معنی intelligent, noble man, handsome ہیں- اس نام کی درست ادائیگی میں معمولی مشکل پیش آتی ہے- یہ نام پاکستان اور ہندوستان دونوں ممالک میں معروف ہے- پاکستان کے ایک معروف مزاحیہ فنکار بھی نبیل نام سے ہی شہرت رکھتے ہیں-

اویس - Owais
اویس بھی لڑکوں کا اسلامی نام ہے اور اس نام کا تعلق بھی عربی زبان سے ہے- اویس نبی اکرم صلی اﷲ علیہ وآلہ وسلم کے ایک محبوب صحابی کا نام بھی تھا اسی وجہ سے اس نام کی اہمیت مزید بڑھ جاتی ہے- مذہبی تعلق کی وجہ سے اکثر والدین اپنے بچوں کا نام اویس رکھنے کو ہی ترجیح دیتے ہیں-
 

سرفراز - Sarfaraz
پاکستان میں لڑکوں کے دیگر مقبول ترین اسلامی ناموں میں سرفراز نام بھی شامل ہے- اس نام کا تعلق بھی عربی زبان سے ہے جبکہ اس کی ادائیگی کسی حد تک مشکل سمجھی جاتی ہے- اردو زبان میں اس نام معنی مقدس٬ فیضیاب اور محترم و معظم ہیں- انگریزی زبان میں سرفراز کے معنی King ہیں- پاکستان کرکٹ ٹیم کے کپتان کا نام بھی سرفراز ہے-

حنین - Hunain
حنین بھی لڑکوں کا اسلامی نام ہے اور اس کا تعلق بھی عربی زبان سے ہے- درحقیقت انگریزی زبان میں اس نام کے کوئی معنی نہیں ہیں کیونکہ یہ اس مقام کا نام ہے جہاں نبی اکرم صلی اﷲ علیہ وآلہ وسلم نے ایک جنگ کی تھی- حنین مکہ کے قریب واقع ایک وادی ہے- مسلمانوں کے درمیان یہ نام چند مذہبی شخصیات اور مقام کا ہونے کی وجہ سے انتہائی اہمیت کا حامل ہے- یہی وجہ ہے کہ اکثر والدین اپنے بچوں کا یہی نام رکھنے کو ترجیح دیتے ہیں-

آفتاب - Aftab
آفتاب بھی لڑکوں کا اسلامی نام ہے جس کا تعلق فارسی زبان سے ہے- آفتاب کے معنی سورج کے ہیں- اس نام کی ادائیگی بہت آسان ہے- یہ نام پاکستان اور بھارت میں یکساں مقبول ہے- یہ پاکستان کے ایک مقبول صحافی کا نام بھی ہے جنہیں دنیا آفتاب اقبال کے نام سے جانتی ہے-

تیمور -  Taimor
تیمور ایک اور مقبول ترین اسلامی نام ہے جس کے معنی بھی دلچسپ ہیں- یہ ایک عربی نام ہے جس کے اردو زبان میں معنی فولاد اور خوددار ہیں- تیمور ایک مشہور فاتح بادشاہ کا نام بھی تھا- اس کی تاریخی اہمیت کی وجہ سے یہ نام آج کی جدید دنیا میں بھی مقبول ہے- بھارتی اداکار سیف علی خان اور اداکارہ کرینہ کپور کے بیٹے کا نام بھی تیمور ہے-
 

Find Here all Muslim Boys Names & all Muslim Girls Names