قسطِ شیریں کیا ہے اور یہ کرونا کے مریضوں کی تکالیف میں کمی کا باعث کس طرح بن سکتا ہے؟ جانیں

کرونا وائرس کی علامات میں سب سے پہلے گلے میں درد ہے یہ درد عام طور پر گلے میں ہونے والے اس درد سے بہت مماثلت رکھتا ہے جس کا سامنا گلے خراب ہونے یا ٹانسلز کے مریضوں کو کرنا پڑتا ہے جو کہ بعد میں تیز بخار میں تبدیل ہو جاتا ہے اور پھر نمونیا تک جا پہنچتا ہے ۔ ویسے تو اس بات کو سب تسلیم کر رہے ہیں کہ اب تک کرونا وائرس کا کوئی حتمی علاج دریافت نہیں ہو سکا ہے مگر اس کے باوجود یونانی علاج کی اہمیت سے انکار نہیں کیا جا سکتا ہے اور یونانی طرز علاج میں بیماری کا علاج اس کی علامات کی بنیاد پر کیا جاتا ہے اس وجہ سے گلے میں درد کی کیفیت کا علاج اگر شروع میں ہی کر لیا جائے تو اس کے سبب نہ صرف بخار سے بچا جا سکتا ہے بلکہ کرونا وائرس کے سبب ہونے والے نمونیا سے بھی بچا جا سکتا ہے ۔ اس صورتحال میں یونانی حکما قسط شیریں کے استعمال کو مفید قرار دے رہے ہیں-

قسط شیریں کیا ہے ؟
قسط شیریں ایک پودے کا نام ہے جو کہ عام طور پر آزاد کشمیر میں دریائے جہلم اور چناب کے کنارے پر بڑی تعداد میں موجود ہیں اور اس کے علاوہ عام طور پر پنسار کی دکانوں میں آسانی سے دستیاب ہوتا ہے-

قسط شیریں کے استعمال کا طریقہ
قسط شیریں سو گرام لے لیں اور اس میں 300 گرام شہد کو شامل کریں اور اس آمیزے کو بڑے دن میں دو بار ایک ایک چمچ استعمال کریں جب کہ بچوں کو آدھا چمچہ دن میں دو بار استعمال کروائیں-
 

قسط شیریں کے فوائد
قسط شیریں کرونا مریضوں کو اپنے فوائد کے سبب کافی حد تک فائدہ پہنچانے کا باعث بن سکتا ہے
1: یہ ایک جراثيم کش دوا ہے اس سے جسم میں موجود جراثيموں کا خاتمہ ہوتا ہے
2: یہ جسم کو اندرونی طور پر طاقت دے کر قوت مدافعت میں اضافہ کرتا ہے
3: گلے کی اندرونی سوزش کا خاتمہ کر کے گلے کے درد میں آرام پہنچاتا ہے
4: اس کو سونگھنے سے زکام میں فائدہ ہوتا ہے
5: سانس کی جملہ بیماریوں میں بہت مفید ہے
6: جسمانی درد سے آرام پہنچاتا ہے
7: کھانسی کو ختم کرتا ہے
8: گردوں کی سوزش کا خاتمہ کرتا ہے