اسلام آباد : پاکستان اسٹاک ایکسچینج میں جمعہ کو کاروبار میں تیزی کا رحجان جاری رہا اور کے ایس ای 100 انڈیکس نے 1 لاکھ 58 ہزار پوائنٹس کی ایک اور نفسیاتی حد کو عبور کرلیا۔
جمعہ کو کاروباری ہفتہ کے اختتام پر مارکیٹ میں تیزی رہی، کے ایس ای 100 انڈیکس583.11 پوائنٹس کے اضافہ کے بعد 158536.57 پوائنٹس تک پہنچ گیا جو ایک نیا ریکارڈ ہے۔
مجموعی طور پر 1209244866 حصص کا لین دین ہوا جن کی مالیت 34.26 ارب روپے تھی، کے ایس ای 30 انڈیکس 204.26 پوائنٹس کے اضافہ کے بعد 48403.19 پوائنٹس اور اسلامی مالیات کا حامل کے ایم آئی 30 انڈیکس 1569.24 پوائنٹس کے اضافہ کے بعد 234263.40 پوائنٹس تک پہنچ گیا۔
فیوچر ٹریڈنگ کے تحت 9.29 ارب روپے کے سودے طے پائے۔ سینرجیکو پاکستان لیمیٹڈ، پاکستان انٹرنیشنل بلک ٹرمینل اور بینک آف پنجاب سرفہرست ایڈوانسر کمپنیاں رہیں۔