سکھن کے علاقے میں کھلے مین ہول میں گرنے والے بچے کی لاش گٹر سے نکال لی گئی۔
تھانہ سکھن کے ایس ایچ او ملک سلیم نے بتایا کہ جمعہ حمائتی گوٹھ کے کھلے مین ہول سے نکالی گئی لاش کی شناخت 2 سالہ سمیر ولد عامر کے نام سے ہوئی، ضابطے کی کارروائی کے لیے لاش جناح اسپتال منتقل کی گئی جہاں سے بعدازاں ورثا کے حوالے کردی گئی۔
متوفی سمیر اسی علاقے کا رہائشی تھا جو گزشتہ شب گھر کے باہر کھیل رہا تھا کہ لائٹ نہ ہونے کے باعث اندھیرے کی وجہ سے کھلے ہوئے مین ہول میں گر کر جاں بحق ہوگیا۔