ملک میں سونے کی بڑھتی ہوئی قیمتوں کے سلسلے کو بالآخر بریک لگ گئی، اور مارکیٹ میں بڑی کمی دیکھنے میں آئی۔ آل پاکستان جیمز اینڈ جیولرز ایسوسی ایشن کے مطابق فی تولہ سونا 10 ہزار 600 روپے سستا ہو کر 4 لاکھ 46 ہزار 300 روپے پر آگیا ہے۔
اسی طرح 10 گرام سونے کی قیمت میں بھی نمایاں کمی ہوئی ہے، جو 9 ہزار 88 روپے گھٹ کر 3 لاکھ 82 ہزار 630 روپے رہ گئی۔
عالمی مارکیٹ میں بھی سونے کی قدر میں گراوٹ دیکھی گئی، جہاں قیمت 106 ڈالر کمی کے ساتھ 4 ہزار 252 ڈالر فی اونس ہو گئی۔
یاد رہے کہ ایک روز قبل ہی سونا 14 ہزار روپے سے زائد مہنگا ہوا تھا، جبکہ اس سے ایک دن پہلے فی تولہ قیمت میں 1900 روپے کا اضافہ ریکارڈ کیا گیا تھا۔