ملک بھر میں سونے کی قیمت میں کمی ریکارڈ کی گئی ہے۔ آل پاکستان جیمز اینڈ جیولرز ایسوسی ایشن کے مطابق فی تولہ سونا 1400 روپے سستا ہو کر 4 لاکھ 44 ہزار 900 روپے پر پہنچ گیا ہے۔ اسی طرح 10 گرام سونے کی قیمت میں بھی 1200 روپے کی کمی ہوئی ہے، جس کے بعد یہ 3 لاکھ 81 ہزار 430 روپے ہو گئی ہے۔
چاندی کی قیمتوں میں بھی معمولی ردوبدل دیکھنے میں آیا۔ مقامی مارکیٹ میں فی تولہ چاندی 12 روپے سستی ہو کر 5261 روپے کی سطح پر آ گئی، جبکہ 10 گرام چاندی کی قیمت 10 روپے اضافے کے بعد 4510 روپے ہو گئی۔
ایسوسی ایشن کے مطابق عالمی مارکیٹ میں بھی سونے کی قدر میں کمی ہوئی ہے، جہاں فی اونس قیمت 17 ڈالر گھٹ کر 4235 ڈالر پر آ گئی ہے۔