ملک بھر میں سونے کی قیمتوں میں ایک بار پھر اضافہ دیکھنے میں آیا ہے۔ آل پاکستان جیمز اینڈ جیولرز ایسوسی ایشن کے مطابق، سونا فی تولہ 3500 روپے مہنگا ہو گیا ہے۔
تازہ اضافے کے بعد ملک میں فی تولہ سونا 4 لاکھ 19 ہزار 862 روپے میں فروخت ہو رہا ہے۔ اسی طرح 10 گرام سونا بھی 3 ہزار روپے کے اضافے کے بعد 3 لاکھ 59 ہزار 963 روپے کا ہو گیا ہے۔
عالمی مارکیٹ میں بھی سونے کی قیمت میں اضافہ ریکارڈ کیا گیا، جہاں فی اونس سونا 35 ڈالر بڑھ کر 3975 ڈالر فی اونس تک پہنچ گیا۔
چند روز قبل سونے کی قیمتوں میں بڑی کمی دیکھی گئی تھی، جب فی تولہ نرخ 14 ہزار روپے تک نیچے آگئے تھے، تاہم آج دوبارہ اضافہ دیکھنے میں آیا ہے۔