پاکستان بیورو برائے شماریات کے مطابق 30 اکتوبر کو ختم ہونے والے ہفتے میں ملک بھر میں سیمنٹ کی ریٹیل قیمتوں میں مجموعی طور پر استحکام رہا۔
اعدادوشمار کے مطابق شمالی شہروں میں سیمنٹ کی فی بوری کی اوسط ریٹیل قیمت 1364 روپے ریکارڈ کی گئی جو پچھلے ہفتے کے مقابلے میں 0.35 فیصد کم ہے۔ پیوستہ ہفتے میں یہ قیمت 1369 روپے تھی۔
دوسری جانب جنوبی شہروں میں فی بوری سیمنٹ کی اوسط ریٹیل قیمت 1441 روپے رہی جو گزشتہ ہفتے کے برابر تھی۔
اسلام آباد میں فی بوری قیمت 1345 روپے، راولپنڈی 1346 روپے، گوجرانوالہ 1400 روپے، لاہور 1406 روپے، فیصل آباد 1380 روپے، پشاور 1334 روپے اور بنوں میں 1300 روپے ریکارڈ کی گئی۔
جنوبی علاقوں میں کراچی میں قیمت 1369 روپے، حیدرآباد 1427 روپے، سکھر اور کوئٹہ میں 1500 روپے، لاڑکانہ 1407 روپے اور خضدار میں 1443 روپے رہی۔
مارکیٹ ماہرین کے مطابق قیمتوں میں معمولی کمی شمالی علاقوں میں طلب میں کمی اور سپلائی کے تسلسل کی وجہ سے دیکھی گئی ہے تاہم مجموعی طور پر سیمنٹ مارکیٹ مستحکم رہی۔