عالمی اور مقامی مارکیٹوں میں آج سونے کی قیمتوں میں کوئی خاص ردوبدل دیکھنے میں نہیں آیا، تاہم چاندی کی قیمت میں ہلکا سا اضافہ ریکارڈ کیا گیا ہے۔
عالمی مارکیٹ میں فی اونس سونا بغیر کسی اتار چڑھاؤ کے 4 ہزار 083 ڈالر پر برقرار رہا۔ بین الاقوامی سطح پر قیمتوں میں یہ استحکام جاری رہنے سے ملکی مارکیٹ بھی پرسکون رہی۔
پاکستان میں بھی سونے کی قیمتوں میں کوئی تبدیلی نہیں دیکھی گئی۔ فی تولہ سونا بدستور 4 لاکھ 30 ہزار 662 روپے پر برقرار رہا، جبکہ فی 10 گرام سونے کی قیمت 3 لاکھ 69 ہزار 223 روپے پر جمی رہی۔
دوسری جانب کراچی صرافہ بازار میں چاندی کی قیمت میں معمولی اضافہ ہوا، جہاں فی تولہ چاندی 55 روپے مہنگی ہوکر 5 ہزار 368 روپے تک پہنچ گئی۔