بنوں میں تھانہ بسیہ خیل کے قریب دوا غوارہ پل کے نزدیک ایک دہشت گرد ہلاک ہو گیا۔ پولیس کے مطابق دھماکا اس وقت ہوا جب دہشت گرد پل کو اڑانے کے لیے آئی ای ڈی نصب کر رہا تھا۔
واقعے میں ایک دہشت گرد موقع پر ہلاک ہوا جبکہ اس کا ساتھی زخمی حالت میں علاقے کی آبادی کی جانب فرار ہو گیا۔ پولیس نے فوری طور پر جائے وقوع کو گھیرے میں لے کر شواہد اکٹھے کرنا شروع کر دیے ہیں۔
زخمی دہشت گرد کی تلاش کے لیے علاقے میں بڑی تعداد میں سرچ آپریشن جاری ہے۔ پولیس کا کہنا ہے کہ دھماکے میں صرف دہشت گرد ہلاک ہوا کسی شہری یا اہلکار کو نقصان نہیں پہنچا۔