نواب شاہ میں رکشہ سوار لیڈی پولیس اہلکار اندھا دھند فائرنگ سے شدید زخمی ہوگئیں۔
پولیس کے مطابق اے سیکشن تھانے کی حدود ہاؤسنگ سوسائٹی میں نامعلوم دہشتگردوں نے رکشہ میں سوار خاتون پولیس اہلکار رخسانہ پر اندھا دھند فائرنگ کردی، جس کے نتیجے میں وہ شدید زخمی ہوگئیں۔
زخمی خاتون اہلکار کو پی ایم سی اسپتال منتقل کردیا گیا ہے، جہاں ڈاکٹر اس کی جان بچانے کی کوشش کررہے ہیں۔
ایس ایچ او اے سیکشن تھانہ رشید میمن نے بتایا کہ خاتون اہلکار کو جسم کے مختلف حصوں میں 7 گولیاں لگیں ہیں اور اس کی حالت انتہائی تشویشناک ہے۔
واقعہ کی اطلاع ملتے ہی پولیس کی بھاری نفری اسپتال پہنچ گئی ہے۔ یاد رہے کہ آج شکارپور میں پولیس نے آپریشن کرتے ہوئے مقابلے کے دوران 9 ڈاکوؤں کو ہلاک کردیا تھا، دوطرفہ فائرنگ میں خاتون ڈی ایس پی اور ان کے شوہر سمیت 4 اہلکار زخمی ہوئے۔