عالمی مارکیٹ میں سونے کی قیمتوں میں ریکارڈ اضافہ براہِ راست پاکستانی مارکیٹ تک پہنچ گیا جس کے باعث آج ملک میں فی تولہ سونا 10 ہزار 700 روپے مہنگا ہوگیا۔
آل پاکستان جیمز اینڈ جیولرز ایسوسی ایشن کے مطابق تازہ اضافے کے بعد فی تولہ سونے کی قیمت 4 لاکھ 54 ہزار 262 روپے تک جا پہنچی ہے۔
اسی طرح 10 گرام سونے کی قیمت میں بھی 9 ہزار 174 روپے کا نمایاں اضافہ ہوا جس کے بعد نئی قیمت 3 لاکھ 89 ہزار 456 روپے مقرر کی گئی ہے۔
بین الاقوامی مارکیٹ میں بھی سونا مسلسل مہنگا ہو رہا ہے۔ آج فی اونس سونے کی قیمت 107 ڈالر بڑھ کر 4,319 ڈالر فی اونس کی نئی بلند ترین سطح پر پہنچ گئی جس نے مقامی مارکیٹ پر فوری اثر ڈالا۔
سونے کے ساتھ ساتھ چاندی کی قیمت میں بھی اضافہ دیکھا گیا۔ فی تولہ چاندی 232 روپے مہنگی ہو کر 6 ہزار 684 روپے کی سطح پر پہنچ گئی ہے۔