پاکستان اسٹاک ایکسچینج میں زبردست تیزی کا رجحان برقرار ہے اور کاروباری ہفتے کے پہلے روز ہی 100 انڈیکس نے تاریخ کی نئی بلند ترین سطح قائم کر دی۔ دورانِ کاروبار ایک موقع پر انڈیکس ایک لاکھ 81 ہزار کی نفسیاتی حد عبور کر گیا۔
تفصیلات کے مطابق پی ایس ایکس 100 انڈیکس میں 2100 پوائنٹس سے زائد کا اضافہ ریکارڈ کیا گیا، جس کے بعد انڈیکس 1,81,135 پوائنٹس پر ٹریڈ کرتا دیکھا گیا۔ ماہرین کے مطابق سرمایہ کاروں کے بڑھتے اعتماد اور مثبت معاشی اشاریوں کے باعث مارکیٹ میں خریداری کا دباؤ غالب رہا۔
واضح رہے کہ گزشتہ کاروباری ہفتے کے آخری روز بھی اسٹاک مارکیٹ میں غیر معمولی تیزی دیکھی گئی تھی، جب 100 انڈیکس میں 2600 پوائنٹس سے زائد اضافہ ہوا اور مارکیٹ 1,79,034 پوائنٹس پر بند ہوئی تھی۔