لاہور میں نجی یونیورسٹی کی فرسٹ ایئر کی طالبہ نے مبینہ طور پر خودکشی کی کوشش کی ہے۔
یونیورسٹی ذرائع کے مطابق طالبہ کی شناخت فاطمہ کے نام سے ہوئی ہے، جو شیخوپورہ کی رہائشی ہے۔ یونیورسٹی انتظامیہ کے مطابق واقعے کے نتیجے میں طالبہ شدید زخمی ہو گئی، جس کے جبڑے، ریڑھ کی ہڈی اور ٹانگوں کو سنگین نقصان پہنچا ہے، جبکہ پھیپھڑے بھی شدید متاثر ہوئے ہیں۔
طالبہ کی حالت تشویشناک ہونے کے باعث اسے وینٹی لیٹر پر منتقل کر دیا گیا ہے، جہاں اسے طبی امداد فراہم کی جا رہی ہے۔
واقعے کے محرکات جاننے کے لیے متعلقہ حکام نے تحقیقات شروع کردی ہیں، جبکہ یونیورسٹی انتظامیہ کا کہنا ہے کہ تمام پہلوؤں سے معاملے کی جانچ کی جا رہی ہے۔
مزید تفصیلات تحقیقات مکمل ہونے کے بعد سامنے آئیں گی۔