پٹرولیم مصنوعات کی فروخت میں جاری مالی سال کے پہلے چھ ماہ میں سالانہ بنیادوں پر 2 فیصد کا اضافہ ریکارڈ کیا گیا ۔ او سی اے سی اور انڈسٹری کے اعدادوشمار کے مطابق مالی سال کے پہلے 6 ماہ میں ملک میں 816 ملین ٹن پٹرولیم مصنوعات کی فروخت ریکارڈ کی گئی جو گزشتہ مالی سال کی اسی مدت کے 8.03 ملین ٹن کے مقابلے میں 2 فیصد زیادہ ہے۔
دسمبر میں ملک میں 1.35 ملین ٹن پٹرولیم مصنوعات کی فروخت ریکارڈ کی گئی جو نومبر کے 1.42 ملین ٹن کے مقابلے میں 5 فیصد کم اور دسمبر 2024 کے 1.28 ملین ٹن کے مقابلے میں 6 فیصد زیادہ ہے۔ مالی سال کے پہلے 6 ماہ میں 3.86 ملین ٹن پٹرول کی فروخت ریکارڈ کی گئی جو گزشتہ مالی سال کی اسی مدت کے 3.75 ملین ٹن کے مقابلے میں 3 فیصد زیادہ ہے۔
دسمبر میں 0.63 ملین ٹن پٹرول کی فروخت ہوئی جو نومبر کے 0.61 ملین ٹن کے مقابلے میں 3 فیصد اور دسمبر 2024 کے 0.57 ملین ٹن کے مقابلے میں 11 فیصد زیادہ ہے۔ اعدادوشمار کے مطابق مالی سال کے پہلے 6 ماہ میں 3.57 ملین ٹن ہائی اسپیڈ ڈیزل کی فروخت ریکارڈ کی گئی جو گزشتہ مالی سال کی اسی مدت میں 3.46 ملین ٹن کی مقابلے میں 3 فیصد زیادہ ہے۔
دسمبر میں ملک میں 0.55 ملین ٹن ہائی اسپیڈ ڈیزل فروخت ہوا جو نومبر کے 0.68 ملین ٹن کے مقابلے میں 19 فیصد کم اور دسمبر 2024 کے 0.57 ملین ٹن کے مقابلے میں 4 فیصد کم ہے۔ اعدادوشمار کے مطابق مالی سال کیپہلے 6 ماہ میں 0.16 ملین ٹن فرنس آئل کی فروخت ریکارڈ کی گئی جو گزشتہ مالی سال کی اسی مدت کے 0.35 ملین ٹن کے مقابلے میں 54 فیصد کم ہے۔ دسمبر میں ملک میں 0.06 ملین ٹن فرنس آئل کی فروخت ریکارڈ کی گئی جو نومبر کے 0.03 ملین ٹن کے مقابلے میں 130 فیصد اور دسمبر 2024 کے 0.04 ملین ٹن کے مقابلے میں 40 فیصد زیادہ ہے۔