راولپنڈی کے علاقے دھمیال میں خوفناک ڈکیتی کی واردات پیش آئی، جہاں 3 سالہ بچی کے کانوں سے بالیاں نوچ کر ملزم فرار ہوگیا۔ واقعے کے دوران بچی شدید خوف اور صدمے کا شکار ہو کر روتی رہی۔
پولیس کے مطابق واقعے کی سی سی ٹی وی فوٹیج بھی سامنے آگئی ہے، جس میں ملزم کو فرار ہوتے ہوئے دیکھا جاسکتا ہے۔
سی سی پی او راولپنڈی نے واقعے کا نوٹس لیتے ہوئے فرار ملزم کی فوری گرفتاری کی ہدایت کردی۔ پولیس شہریوں سے اپیل کر رہی ہے کہ کسی بھی مشتبہ شخص کی اطلاع فوری طور پر قریبی تھانے یا ہیلپ لائن پر دیں۔