سونے کی قیمت نے گزشتہ تمام ریکارڈ توڑ دیے ہیں اور مارکیٹ میں ریکارڈ سطح پر پہنچ گئی ہے۔ آج سونے کے فی تولہ نرخ میں 6,500 روپے کا اضافہ ہوا ہے، جس کے بعد نئی قیمت 5 لاکھ 21 ہزار 162 روپے ہو گئی ہے۔
اسی طرح 10 گرام سونے کی قیمت میں 5,573 روپے کا اضافہ ہوا ہے، اور نئی قیمت 4 لاکھ 46 ہزار 812 روپے مقرر کی گئی ہے۔ عالمی مارکیٹ میں بھی سونا 65 ڈالر مہنگا ہوا ہے، جس کے بعد فی اونس سونے کی قیمت 4,988 ڈالر کی بلند ترین سطح پر پہنچ گئی ہے۔
چاندی کی قیمت میں بھی اضافہ ہوا ہے اور فی تولہ 526 روپے اضافے کے بعد نئی قیمت 10,801 روپے تک جا پہنچی ہے۔