حکومت نے نئے مالی سال 2026-27 کیلیے میکرو اکنامک فریم ورک تیار کرلیا ہے جبکہ رواں مالی سال کے معاشی ترقی کے ہدف پر نظرثانی کردی گئی ہے۔
دستاویز کے مطابق موجودہ مالی سال میں معاشی شرح نمو 4.2 فیصد کے بجائے 4 فیصد رہنے کا امکان ہے۔ آئندہ مالی سال 2026-27 میں جی ڈی پی گروتھ 5.1 فیصد تک پہنچنے کا ہدف مقرر کیا گیا ہے۔
رپورٹ میں بتایا گیا ہے کہ اسٹیٹ بینک نے رواں مالی سال معاشی ترقی 3.75 سے 4.75 فیصد کے درمیان رہنے کا تخمینہ لگایا ہے۔ مہنگائی کی شرح 7.5 فیصد کے ہدف کے مقابلے میں 6.1 فیصد متوقع ہے، جبکہ آئندہ مالی سال مہنگائی بڑھ کر 6.5 فیصد تک جاسکتی ہے۔