امریکا اور ایران کے درمیان کشیدگی میں کمی کے بعد عالمی منڈی میں خام تیل کی قیمتوں میں نمایاں کمی ریکارڈ کی گئی ہے۔
عالمی سطح پر تیل کی قیمتیں 5 فیصد سے زائد گر گئیں جو گزشتہ 6 ماہ کے دوران ایک دن میں ہونے والی سب سے بڑی کمی ہے۔
امریکی خام تیل کی قیمت 5 اعشاریہ 6 فیصد کمی کے بعد 61 ڈالر فی بیرل پر فروخت ہورہی ہے، جبکہ برطانوی خام تیل (برینٹ) کی قیمت میں 5 اعشاریہ 5 فیصد کمی دیکھی گئی، جس کے بعد نرخ ساڑھے 65 ڈالر فی بیرل تک آگئے۔