رواں ماہ دوسری مرتبہ پاکستان اسٹاک ایکسچینج میں شدید مندی کے باعث کاروبار ایک گھنٹے کے لیے روکنا پڑا۔
ایک گھنٹے کی بندش کے بعد کاروبار دوبارہ شروع ہونے پر بھی مارکیٹ میں شدید ترین مندی برقرار رہی۔ دوران ٹریڈنگ اسٹاک مارکیٹ میں 13 ہزار سے زائد پوائنٹس کی کمی ریکارڈ کی گئی جس کے نتیجے میں ہنڈریڈ انڈیکس 13050 پوائنٹس گر کر 144,444 پوائنٹس پر آ گیا۔
اسٹاک مارکیٹ کے تمام سیکٹرز کی کمپنیوں کے شیئرز میں الٹے لاک لگ گئے اور سرمایہ کار شدید پریشانی کا شکار ہیں۔ مارکیٹ ماہرین کا کہنا ہے کہ عالمی و ملکی مالیاتی حالات اور سرمایہ کاری کے کمزور رجحانات اس مندی کے بنیادی اسباب ہیں۔