بلوچستان میں موجودہ حالات کے پیش نظر تمام تعلیمی اداروں کو عارضی طور پر بند کرنے کا فیصلہ کر لیا گیا ہے۔
جاری کردہ نوٹیفکیشن کے مطابق صوبے بھر کے تمام اسکول آج سے 23 مارچ تک بند رہیں گے۔ حکام کا کہنا ہے کہ یہ فیصلہ خطے کی موجودہ صورتحال کو مدنظر رکھتے ہوئے طلبہ اور عملے کی حفاظت کے لیے کیا گیا ہے۔
سیکرٹری کالجز کے مطابق صوبے کے تمام کالجز اور یونیورسٹیز بھی 23 مارچ تک بند رہیں گی جبکہ اس دوران تعلیمی سرگرمیاں معطل رہیں گی۔
محکمہ تعلیم کا کہنا ہے کہ تعلیمی اداروں کی بندش کے باوجود اسکول انرولمنٹ مہم اور ڈیجیٹل اسکول مردم شماری اپنے مقررہ شیڈول کے مطابق جاری رہے گی۔