سیکیورٹیز اینڈ ایکسچینج کمیشن آف پاکستان نے ایل ایس ای وینچرز کو کارپوریٹ ریسٹرکچرنگ کا لائسنس جاری کر دیا ہے، جس کے بعد ملک میں کارپوریٹ ریسٹرکچرنگ کمپنیوں کی تعداد تین ہو گئی ہے۔
کارپوریٹ ریسٹرکچرنگ کمپنیاں مالی مشکلات کا سامنا کرنے والی کمپنیوں کی بحالی اور قرضوں کی ری شیڈولنگ میں مدد فراہم کرتی ہیں۔ ایس ای سی پی نے اس مقصد کے لیے جامع فریم ورک بھی تشکیل دیا ہے جو دیوالیہ کمپنیوں کے قرضوں کے انتظام اور ری شیڈولنگ کا طریقہ کار واضح کرتا ہے۔
اسی دوران ایس ای سی پی نے ویلتھ برج مینجمنٹ کو پاکستان کی پہلی ڈیجیٹل انویسٹمنٹ ایڈوائزری کے طور پر لائسنس جاری کیا ہے۔ یہ پلیٹ فارم سرمایہ کاروں کو ڈیجیٹل پلیٹ فارمز کے حوالے سے مشاورت فراہم کرے گا اور جدید سرمایہ کاری کے مواقع آسان بنائے گا۔
ایس ای سی پی کا کہنا ہے کہ یہ اقدامات مالیاتی مارکیٹ میں شفافیت، سرمایہ کاری کے مواقع اور کمپنیوں کی بحالی میں اہم کردار ادا کریں گے۔