مشکل صورتحال کے باوجود ملکی آئل ریزرو بڑھانے کی جانب مثبت پیشرفت سامنے آئی ہے۔ فجیرہ سے دو جہاز خام تیل لے کر پاکستان پہنچ رہے ہیں جن میں سے ایک جہاز 12 مارچ اور دوسرا 13 مارچ تک ملک میں آئے گا۔ جہازوں کے نام کراچی اور شالیمار ہیں، اور دونوں جہازوں میں مجموعی طور پر 10 لاکھ 25 ہزار بیرل خام تیل موجود ہے۔
مزید برآں تیسرا جہاز لاہور کی آمد بھی 16 مارچ تک متوقع ہے۔ یہ جہاز بھی خام تیل لے کر کراچی پورٹ اور پورٹ قاسم پر لنگر انداز ہوگا۔
پی این ایس سی کے مطابق یہ خام تیل پارکو، پاکستان اور نیشنل ریفائنری کی جانب سے منگوایا گیا ہے۔