یواے ای کے فجیرہ پورٹ سے دو تیل بردار جہاز کراچی پہنچ گئے ہیں جنہیں پاک بحریہ کے حفاظتی حصار میں محفوظ طریقے سے لایا گیا۔ ذرائع کے مطابق ان جہازوں کے ذریعے ملک کو ایندھن کی مسلسل فراہمی یقینی بنائی جائے گی۔
ذرائع نے بتایا کہ فجیرہ سے کراچی پہنچنے والے جہازوں میں تقریباً 10 سے 12 کروڑ لیٹر تیل موجود ہے اور یہ جہاز پاکستان نیشنل شپنگ کارپوریشن کے تحت آپریشنل تھے۔
وفاقی وزیر بحری امور جنید انور نے جہازوں کی محفوظ منتقلی پر پاک بحریہ کا شکریہ ادا کیا اور کہا کہ خلیج فارس میں پھنسے دو دیگر جہازوں کی حفاظت بھی یقینی بنائی جائے گی۔ انہوں نے مزید کہا کہ وزارتِ خارجہ ایران سے رابطہ کرکے ضروری اقدامات اٹھائے گی تاکہ تمام جہاز محفوظ رہیں۔