پاکستان سپر لیگ کے گیارہویں ایڈیشن کا آغاز آج سے ہو رہا ہے ،ایونٹ کے افتتاحی میچ میں دفاعی چیمپیئن لاہور قلندرز کا مقابلہ لیگ میں شامل نئی ٹیم حیدرآباد کنگز مین سے ہوگا جس کے باعث شائقین میں جوش و خروش عروج پر ہے۔
تاہم اس بار پی ایس ایل کے میچز اسٹیڈیم میں بیٹھ کر دیکھنے کا موقع میسر نہیں ہوگا کیونکہ خطے میں جاری کشیدگی اور توانائی بحران سے بچنے کے لیے حکومتی فیصلے کے تحت گراؤنڈز میں تماشائیوں کے داخلے پر پابندی عائد کی گئی ہے۔
دریں اثنا باغ جناح قائداعظم لائبریری میں آٹھ ٹیموں کے کپتانوں کا پی ایس ایل ٹرافی کے ساتھ فوٹو شوٹ بھی کیا گیا جس میں ٹرافی کے ساتھ تمام کپتانوں کی تصاویر اور یادگار لمحات قید کیے گئے۔