پاکستان سپر لیگ (پی ایس ایل) 11 میں کھیل کے قوانین میں اہم تبدیلی کی گئی ہے۔ اب ہر میچ سے قبل دونوں ٹیموں کے کپتان میچ ریفری کو دو الگ الگ پلئینگ الیون جمع کرائیں گے۔
ہر پلئینگ الیون شیٹ میں گیارہ کھیلنے والے کھلاڑی اور چار سبسٹی ٹیوٹ کھلاڑی شامل ہونا ضروری ہے۔ ٹاس کے بعد ہر کپتان ایک پلئینگ الیون منتخب کرے گا اور منتخب شدہ فہرست پر کپتان کے دستخط لازمی ہوں گے۔
پی ایس ایل کے حکام کے مطابق حتمی پلئینگ الیون جمع ہونے کے بعد اس میں کسی بھی قسم کی تبدیلی نہیں کی جا سکتی تاکہ کھیل میں شفافیت اور منصفانہ مقابلہ یقینی بنایا جا سکے۔