پاکستان کرکٹ ٹیم کے ہیڈ کوچ مائیک ہیسن کی لاہور کے ایک مقامی اسپتال میں کامیاب سرجری کی گئی ہے۔
ذرائع کے مطابق مائیک ہیسن کو کمر میں گلٹی کی شکایت تھی، جس کے علاج کے لیے انہوں نے نیوزی لینڈ جانے کے بجائے لاہور میں ہی سرجری کروانے کو ترجیح دی۔
ڈاکٹروں نے کامیاب آپریشن کے بعد مائیک ہیسن کو دو ہفتے تک مکمل آرام کا مشورہ دیا ہے، جس کے بعد وہ واپس نیوزی لینڈ روانہ ہوں گے۔
دوسری جانب، ذرائع کا کہنا ہے کہ پاکستان کرکٹ ٹیم کے مینیجر نوید اکرم چیمہ کو دل کی تکلیف کا سامنا ہے، جس کے باعث آج ان کی انجیوگرافی کی جائے گی۔