اسلام آباد یونائیٹڈ کے بالنگ کنسلٹنٹ رومان رئیس کا کہنا ہے کہ پچز قدرے فلیٹ ہیں اور آج کی پچ بیٹنگ کے لیے زیادہ سازگار تھی، جس کا کریڈٹ بیٹرز کو دینا چاہیے۔
انہوں نے کہا کہ میچ کے دوران ہونے والی غلطیوں کی نشاندہی کر کے انہیں دور کیا جائے گا، جبکہ فہیم اشرف کے ہاتھ پر گیند لگنے کی وجہ سے انہوں نے بالنگ نہیں کی۔
رومان رئیس نے کپتان شاداب خان کا دفاع کرتے ہوئے انہیں پی ایس ایل کا بہترین بالر قرار دیا اور اس بات پر زور دیا کہ جب بھی کسی کھلاڑی کا برا دن ہو تو اسے پینک کرنے کے بجائے سپورٹ کرنا چاہیے۔
ان کا مزید کہنا تھا کہ ٹیم کا نیا کور بنا ہے، اس لیے جیسے جیسے وقت گزرے گا کارکردگی میں مزید بہتری آتی جائے گی۔