ٹورنامنٹ کے پانچویں میچ میں کوئٹہ گلیڈی ایٹرز نے حیدرآباد کنگز کے خلاف ٹاس جیت کر پہلے بیٹنگ کرنے کا فیصلہ کیا ہے، جبکہ آج کے دوسرے میچ میں روایتی حریف لاہور قلندرز اور کراچی کنگز مدمقابل ہوں گے۔
اس سے قبل ہفتے کی رات کھیلے گئے میچ میں ملتان سلطانز نے اسلام آباد یونائیٹڈ کو 5 وکٹوں سے شکست دے دی۔
نئی مینجمنٹ کی نگرانی میں ملتان سلطانز کا یہ پہلا میچ تھا جس میں آسٹریلوی کھلاڑیوں نے کلیدی کردار ادا کیا۔ جارج فلپ نے 55 رنز کی عمدہ اننگز کھیلی، جبکہ کپتان ایسٹن ٹرنر 43 رنز بنا کر ناقابلِ شکست رہے۔
مایہ ناز بیٹر اسٹیو اسمتھ نے بھی 31 رنز بنا کر ٹیم کی جیت میں حصہ ڈالا اور ملتان کو 172 رنز کا ہدف عبور کروایا۔ اسلام آباد یونائیٹڈ کی جانب سے مارک چیپ مین 40 رنز بنا کر نمایاں رہے۔