محکمہ تعلیم پنجاب نے صوبے بھر کے سرکاری اور نجی اسکولوں کے نئے اوقات کار کا نوٹیفکیشن جاری کر دیا ہے۔
نوٹیفکیشن کے مطابق اسکول پیر سے جمعرات تک کھلے رہیں گے جبکہ جمعہ کے روز چھٹی ہوگی جس کا اطلاق سرکاری اور پرائیویٹ دونوں تعلیمی اداروں پر ہوگا۔
محکمہ تعلیم کے مطابق پیر سے جمعرات تک اسکول صبح 8 بجے سے دوپہر ڈیڑھ بجے تک کھلے رہیں گے۔ جبکہ ڈبل شفٹ اسکولوں میں پہلی شفٹ صبح 8 بجے سے ساڑھے 12 بجے تک جاری رہے گی اور دوسری شفٹ دوپہر 1 بجے سے شام ساڑھے 5 بجے تک ہوگی۔