صدر انجمن تاجران کراچی جاوید شمس نے حکومتِ سندھ کے کفایت شعاری کے نام پر کیے گئے فیصلوں کو من مانی قرار دیتے ہوئے شدید تنقید کا نشانہ بنایا ہے۔
صدر انجمن تاجران کراچی کا کہنا ہے کہ تاجر تنظیموں سے مشاورت کے باوجود رات 8 بجے کاروبار بند کرنے کا فیصلہ ناقابل قبول ہے اور اسے مسترد کیا جاتا ہے۔
جاوید شمس نے کہا کہ حکومت سندھ کو کراچی کی بڑھتی ہوئی آبادی اور کاروباری مسائل کو مدنظر رکھتے ہوئے فیصلے کرنے چاہئیں نہ کہ یکطرفہ اقدامات کیے جائیں۔
انہوں نے مزید کہا کہ تاجروں کی جانب سے مارکیٹس رات 9 بجے بند کرنے کی تجویز دی گئی تھی جسے حکومت نے مسترد کر دیا جس کی وہ مذمت کرتے ہیں۔صدر انجمن تاجران کراچی کا کہنا ہے کہ حکومت سندھ نے ہمیشہ تاجروں اور عوامی مفاد کے خلاف فیصلے کئے۔