حکومتِ پنجاب نے لمبی تعلیمی چھٹیوں کے حوالے سے بڑا فیصلہ کرنے پر غور شروع کردیا ہے، جس کے تحت پہلی بار گرمیوں اور سردیوں کی چھٹیاں کم کرنے کی تجویز سامنے آئی ہے۔
وزیر تعلیم پنجاب رانا سکندر حیات نے نجی ٹی وی سے گفتگو کرتے ہوئے کہا ہے کہ گرمیوں کی چھٹیاں 15 سے 20 روز جبکہ سردیوں کی چھٹیاں 5 سے 6 روز کم کرنے پر غور کیا جا رہا ہے۔
انہوں نے بتایا کہ تعلیمی نظام کو مزید مؤثر بنانے کیلیے ہر متبادل ہفتے اسکول کھولنے کی تجویز بھی زیر غور ہے۔
رانا سکندر حیات کے مطابق میٹرک اور او لیول کے طلبہ کیلیے الگ تعلیمی کیلنڈر ترتیب دینے پر بھی کام جاری ہے۔
وزیر تعلیم کا کہنا تھا کہ ان اقدامات کا مقصد تعلیمی معیار کو بہتر بنانا اور طلبہ کے سیکھنے کے عمل کو مزید مضبوط بنانا ہے۔