پنک ڈے کی مناسبت سے پاکستان ویمنز کرکٹ ٹیم کی کھلاڑیوں منیبہ علی اور رامین شمیم نے پری میچ ٹریننگ سیشن میں حصہ لیا۔
منیبہ علی نے حیدرآباد کنگز مین جبکہ رامین شمیم نے راولپنڈیز کے کھلاڑیوں کے ساتھ فیلڈنگ ڈرلز اور مشقیں کیں۔
قومی ٹیم کی کپتان فاطمہ ثنا اور لیگ سپنر سیدہ عروب شاہ شام کے میچ سے قبل ٹریننگ سیشن کا حصہ بنیں گی۔
ایچ بی ایل پی ایس ایل 11 کے چھٹے ڈبل ہیڈر کے موقع پر نیشنل اسٹیڈیم کراچی میں آج بریسٹ کینسر سے آگاہی کا دن (پنک ڈے) منایا جا رہا ہے۔
اس سلسلے میں شائقین کرکٹ سے اپیل کی گئی ہے کہ وہ آج رات آٹھ بجے سوشل میڈیا پلیٹ فارم ایکس پر ہیش ٹیگ GoPink استعمال کرتے ہوئے آگاہی مہم میں اپنا حصہ ڈالیں۔