پاکستان اسٹاک ایکسچینج میں دن بھر شدید اتار چڑھاؤ کے بعد کاروبار منفی زون میں بند ہوا۔ٹریڈنگ کے دوران مارکیٹ میں 4700 سے زائد پوائنٹس کی بڑی مندی دیکھی گئی تاہم آخری گھنٹے میں تقریباً 3 ہزار پوائنٹس کی ریکوری بھی سامنے آئی۔
اس کے باوجود ہنڈریڈ انڈیکس 1742 پوائنٹس کی کمی کے بعد 172,197 پوائنٹس پر بند ہوا جبکہ مارکیٹ ایک لاکھ چوہتر اور ایک لاکھ تہتر ہزار پوائنٹس کی اہم حدیں بھی برقرار نہ رکھ سکی۔
بروکرز کے مطابق ایران کی جانب سے مذاکرات کے لیے وفد نہ بھیجنے کے اعلان نے سرمایہ کاروں کے اعتماد کو متاثر کیا جس کے باعث مارکیٹ پر منفی دباؤ رہا۔