پاکستان اسٹاک ایکسچینج میں آج اتار چڑھاؤ کے بعد کاروبار کا مثبت اختتام ہوا جس کے نتیجے میں 173,000 پوائنٹس کی حد بحال ہوگئی ہے۔
دورانِ ٹریڈنگ مارکیٹ میں ایک وقت میں 3 ہزار سے زائد پوائنٹس کی تیزی دیکھی گئی اور انڈیکس پونے دو لاکھ کی حد بھی عبور کر گیا تھا، تاہم وہ اس سطح کو برقرار نہ رکھ سکا اور مجموعی طور پر 959 پوائنٹس کے اضافے کے ساتھ 173,155 کی سطح پر بند ہوا۔
مارکیٹ میں آج بینکنگ اور آئل کمپنیز کے شیئرز میں خریداری کا رجحان رہا جبکہ سیمنٹ اور انرجی سیکٹر کی کمپنیز کے شیئرز میں فروخت دیکھی گئی۔