چیئرمین میٹرک بورڈ کراچی غلام حسین سوہو نے اپنے عہدے سے استعفیٰ دے دیا۔
ذرائع کے مطابق کراچی میں میٹرک امتحانات میں مبینہ بے ضابطگیوں کے معاملے پر غلام حسین سوہو نے استعفیٰ دیا۔ انہوں نے اپنا استعفیٰ سیکریٹری محکمہ بورڈز سندھ کو ارسال کردیا ہے۔
یاد رہے کہ صوبائی وزیر کی ہدایت پر قائم تحقیقاتی کمیٹی نے چیئرمین میٹرک بورڈ کو معطل کرنے اور معاملہ اینٹی کرپشن کے حوالے کرنے کی سفارش کی تھی۔
ذرائع کا کہنا ہے کہ امتحانی بے ضابطگیوں سے متعلق تحقیقات جاری ہیں جبکہ مزید کارروائی متوقع ہے۔